ՀՈՒՇԱՐՁԱՆՆԵՐ
ՀՈՒՇԱՐՁԱՆ ԱԼԵՔՍԱՆԴՐ ՄՅԱՍՆԻԿՅԱՆԻ
1980 թ.
Պետ. ցուցիչ՝ 1.6.131
Ճարտարապետ՝ Ջիմ Թորոսյան
Քանդակագործ՝ Արա Շիրազ
Գտնվում է Գրիգոր Լուսավորչի փողոցի եզրին՝ Մյասնիկյան հրապարակում: Նվիրված է խորհրդային, պետական, կուսակցական և ռազմական գործիչ, գրականագետ, ՀԽՍՀ Ժողովրդական Կոմիսարների Խորհրդի առաջին նախագահ Ալեքսանդր Մյասնիկյանին (1886-1925):
Հուշարձանը
ճարտարապետական-քանդակագործական համալիր է, որը լուծում է քաղաքաշինական կարևոր խնդիր՝
միմյանց է կապում Շահումյան և Մյասնիկյան հրապարակները:
Ընդհանուր
հարթակի վրա տեղադրված ուղղանկյուն, ցածր, սրբատաշ պատվանդանին կանգնեցված է Մյասնիկյանի՝
վարդագույն գրանիտից կերտված արձանը (բարձրությունը՝ 8.6 մ)։ Պետական գործիչը զինվորական շինելով է, դիմագծերն ունեն կերպարային նմանություն:
Արձանի թիկունքում վեր են խոյանում փայլեցված գորշ գրանիտե քանդակազարդ սյուն և հինգ
սեղանաձև հուշապատեր: Դրանցից ծայր աջակողմյանի դիմային նիստին փորագրված են ԱԼԵՔՍԱՆԴՐ
ՄՅԱՍՆԻԿՅԱՆ բառերը, իսկ ծայր ձախակողմյանի դիմային նիստին փորագրված են Եղիշե Չարենցի՝
Ալեքսանդր Մյասնիկյանին նվիրված տողերը.
ՆԱՅԻՐՅԱՆ ԱՐԵՎՆ ԷՐ ՔՈ ՄԵՋ ԼԵՆԻՆՅԱՆ ՀՐՈՎ ՃԱՌԱԳԱԾ. ԵՂԻՇԵ
ՉԱՐԵՆՑ:
Հուշապատերից մեկի մեջ կա բացվածք՝ խաչքար հիշեցնող կոթողով, որի վրա քանդակված են բուսազարդեր և Խորհրդային Հայաստանի զինանշանը:
