ՀՈՒՇԱՐՁԱՆՆԵՐ

1967 թ.

Քանդակագործ՝ Թերեզա Միրզոյան

2012 թ., վերականգնողներ՝ գեղանկարիչ Անուշ Առաքելյան

Քանդակագործ` Գետիկ Բաղդասարյան

Գտնվում է Աբովյան-Մոսկովյան փողոցների խաչմերուկից 100 մ արևմուտք` սիզամարգի մեջ:

Քանդակագործ Թերեզա Միրզոյանը քանդակը կերտել է 1967 թ. պղնձից: 1991 թ. այն կոտրել են ու գողացել: Այժմյան քանդակը բրոնզաձույլ կրկնօրինակ է, որը Երևանի քաղաքապետարանի առաջարկով և կոտրված բնօրինակի էսքիզներով վերականգնել են Թերեզա Միրզոյանի դուստրը՝ գեղանկարիչ Անուշ Առաքելյանը, և քանդակագործ Գետիկ Բաղդասարյանը: Քանդակի բացումը տեղի է ունեցել Էրեբունի-Երևանի հիմնադրման 2794-ամյակին նվիրված միջոցառումների և Միրզոյանի ծննդյան 90-ամյակի շրջանակներում:

Գրանիտե ուղղանկյուն ցածր պատվանդանին տեղադրված է գեղանի աղջկա քանդակ, որը պատկերված է ծնկածալ նստած և փոքր-ինչ թեքված դիրքով: Զգեստն ընդգծում է իրանը, հայացքը մտազբաղ է: Պատվանդանի հյուսիսային նիստի փոքրիկ սալիկի վրա գրված է. «ՔԱՆԴԱԿԱԳՈՐԾ ԹԵՐԵԶԱ ՄԻՐԶՈՅԱՆ. ՍԻՐՈՒՄ Է, ՉԻ ՍԻՐՈՒՄ»:

Քանդակի բարձրությունը 1.57 մ է, պատվանդանի չափերն են՝ 0.15 x 0.50 x 0.97 մ:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան