ՊԱՏՄԱՄՇԱԿՈՒԹԱՅԻՆ ՇԵՆՔԵՐ

XIX դ.

Պետ. ցուցիչ՝ 1.7.18.6

Այգու կենտրոնական մասում է, մեղմաթեք հարթության վրա, Մալաթիա թաղամասի առանձնատներից մոտ 100 մ արևելք, ոռոգման մետաղե խողովակաշարից արևմուտք:

Կառուցվել է XIX դ., երբ Երևանի պարսից վերջին սարդար Հուսեյն Ղուլի խանի օրոք (1807-1828 թթ.) վերագործարկվել է Դալմայի ջրանցքը, հիմնվել են նոր այգիներ, նոր թափ են ստացել խաղողագործությունն ու գինեգործությունը, կառուցվել են բազմաթիվ հնձաններ ու մառաններ:

Ուղղանկյուն հատակագծով (չափերն են՝ 9 x 5,7 մ) թաղածածկ կառույց է՝ մուտքը հարավից: Պահպանվել է կիսաշրջանաձև թաղի կենտրոնական հատվածը:

Կառուցված է անմշակ բազալտից, թաղը՝ աղյուսաչափ կարմիր տուֆից (մրապատ է): Թաղի ստորին շարքերում կան ուղղանկյուն փոքր խորշեր: Ներսը լցված է փլատակներով:

Շրջակայքում պահպանվել են խաղողի թմբային այգիներ:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան