ԹԱՆԳԱՐԱՆՆԵՐ ԵՎ ՊԱՏԿԵՐԱՍՐԱՀՆԵՐ

Հայաստանի բնության պետական թանգարանն արտացոլում է Հայաստանի ինքնատիպ բնական համալիրը, բնության բազմազանությունը:

ՀՀ Շրջակա միջավայրի նախարարության ենթակայությամբ գործող Հայաստանի բնության պետական թանգարանը հիմնադրվել է 1952 թվականին: Այն ԽՍՀՄ տարածքում գործող բնության 8 համալիրային  թանգարաններից մեկն էր: Թանգարանի հիմնական նպատակը բնակչության բնապահպանական դաստիարակությանը և բնապահպանական կրթությանը նպաստելն է, ինչպես նաև բնապահպանական քարոզչություն իրականացնելը:

ԱՅՑԵԼՈՒԹՅԱՆ ՄԱՍԻՆ ՏԵՂԵԿԱՏՎՈՒԹՅՈՒՆ

Հայաստանի բնության պետական թանգարանը ներկայացնում է Հայաստանի ինքնատիպ բնությունն ու կենդանական աշխարհը, ֆլորայի ու ֆաունայի հազվագյուտ  տեսակներ, վայրի կենդանիների խրտվիլակներ: Ցուցասրահներում, որտեղ ներկայացված ցուցանմուշները յուրօրինակ հանրագիտարան են յուրաքանչյուր այցելուի համար, հնարավորություն են ընձեռում պատկերացում կազմել Հայաստանի աշխարհագրական դիրքի, ռելիեֆի, երկրաբանական կառուցվածքի, կլիմայական պայմանների մասին:

Թանգարանում ներկայացված է նաև ակվարիումային ձկնատեսակների մշտական գործող ցուցադրություն, որտեղ այցելուները կարող են տեղեկություններ ստանալ տվյալ ձկնատեսակի և նրա խնամքի վերաբերյալ:

ԺԱՄԵՐԸ ԵՎ ՄՈՒՏՔԸ

Երեքշաբթիից ուրբաթ՝ 10:30-16:30
Շաբաթ և կիրակի`  10:30-16:00

ՄՈՒՏՔ

Մեծահասակներ - 1000 դրամ
Օտարերկրյա քաղաքացիներ - 2000 դրամ
Ուսանողներ - 700 դրամ
Դպրոցականներ - 500 դրամ

ԷՔՍԿՈՒՐՍԻԱ

Հայերեն - 3000 դրամ
Օտար լեզուներ – 3500 դրամ