ԵԶԱԿԻ ՎԱՅՐԵՐ
Հանրապետության հրապարակ
Հանրապետության հրապարակը Երևանի կենտրոնական քաղաքային հրապարակն է և մայրաքաղաքի գլխավոր ճարտարապետական համալիրներից մեկը:
Կասկադ համալիր Երևանում
Կասկադը քաղաքի իսկապես հոյակապ հատվածներից մեկն է, որտեղ արվեստը, քաղաքային աշխույժ կյանքը և ճարտարապետությունը, կանաչ տարածքները հիանալի միաձուլվում են իրար:
Մատենադարան
Մեսրոպ Մաշտոցի անվան Հին ձեռագրերի պահպանման և ուսումնասիրության կենտրոն: Մատենադարանում է գտնվում հին հայկական ձեռագրերի աշխարհի ամենամեծ հավաքածուներից մեկը։
Ծիծեռնակաբերդի հուշահամալիր
Հայոց ցեղասպանության զոհերի հիշատակը հավերժացնող հուշահամալիրը համարվում է Երևան այցելող զբոսաշրջիկների և աշխարհասփյուռ հայերի կողմից ամենաշատ այցելվող վայրերից:
Հրազդանի կիրճ
Հրազդանի կիրճը Երևան քաղաքի յուրօրինակ այցեքարտերից է։ Այս հրաշալի բնական ռեսուրսը քաղաքի մշակութային, զբոսաշրջային, սպորտային և ժամանցային կարևորագույն վայրերից է:
Կարմիր բլուր հնավայր (Թեյշեբաինի)
Ուրարտական քաղաք-ամրոցը հիմնադրվել է Ք.ա. 685-645 թթ.` Ուրարտուի թագավոր Ռուսա Բ-ի կողմից, Թեյշեբա աստծո պատվին:
Աղի լիճ
Լիճը գոյացել է 1970–ականների վերջին՝ մոտակայքում գտնվող գիպսի կոմբինատի աշխատանքների արդյունքում։ Այստեղ և՛ լողում են, և՛ աղի ջրի շնորհիվ որոշ հիվանդություններ բուժում։
«Էրեբունի» Պատմահնագիտական Արգելոց-Թանգարան
Այստեղից է սկսվում Երևանը, դեռևս մ.թ.ա. 782 թ. հիմնադրված ուրարտական Էրեբունի քաղաք-ամրոցի պատմությունն ու մշակույթը:
Շենգավիթ Հնավայր
Վաղ բրոնզեդարյան հնավայր-հուշարձան Երևանի հարավ-արևմտյան հատվածում՝ Երևանյան լճի հարևանությամբ։
Երևանի պատմական թաղամաս (Կոնդ)
Նեղ, անհարթ, զառիվեր ու ճառագայթաձև փողոցներով բացվող բլուրը Երևանի կենտրոնում գտնվող քաղաքի ամենահին թաղերից է: