ՀՈՒՇԱՐՁԱՆՆԵՐ

1985

Քանդակագործ՝ Դավիթ Երևանցի

«Ղարաբաղցի կինը» քանդակը գտնվում է Օպերայի և բալետի ազգային ակադեմիական թատրոնի մերձակայքում՝ Սայաթ-Նովա պողոտայի և Տերյան փողոցի խաչմերուկին հարող այգում։
Քանդակագործը քանդակը կերտել է ՀԽՍՀ ժողովրդական դերասանուհի, ժողովրդի երգչուհի և մենապարուհի, ծնունդով շուշեցի Արև Բաղդասարյանի կերպարով։ Քանդակը տեղադրվել է ստեղծվելուց մի քանի տարի անց՝ 1988 թ. նոյեմբերի 11-ին՝ Արցախյան շարժմանից հետո, քանի որ խորհրդային իշխանություններն արգելել էին այն տեղադրել Երևանում:
Կանգնեցված է ցածր, ուղղանկյունաձև հարթակի վրա, որտեղ փորագրված է.
ԺՈՂ. ԱՐՏԻՍՏ ԱՐԵՎ ԲԱՂԴԱՍԱՐՅԱՆԻ ՀԻՇԱՏԱԿԻՆ։
Քանդակը բրոնզից է, բարձրությունը՝ 3 մ: