ՊԱՏՄԱՄՇԱԿՈՒԹԱՅԻՆ ՇԵՆՔԵՐ ԵՎ ՎԱՅՐԵՐ
ՊՐՈՖԵՍՈՐՆԵՐԻ (ՄԱՍՆԱԳԵՏՆԵՐԻ) ԲՆԱԿԵԼԻ ՏՈՒՆ
1933
Պետ. ցուցիչ՝ 1.6.19
Ճարտարապետ՝ Սամվել Սաֆարյան
Գտնվում
է Աբովյան փողոցում: Նախագծվել է 1932 թ., կառուցվել 1933-ին: Հայտնի է «Պրոֆեսորների
տուն» կամ «Մասնագետների տուն» անուններով:
Երկմաս,
հինգհարկանի շենք է ` երկու և երեք սենյականոց բնակարաններով: Երեք սենյականոց բնակարաններում
նախատեսված էր նաև տնային աշխատողի սենյակ, որը նորություն էր նախագծման մեջ: Հինգերորդ
հարկում նկարիչների արվեստանոցներն են:
Այս
շենքում են ապրել հայոց մշակույթի և գիտության նշանավոր գործիչներ՝ ճարտարապետներ,
գրողներ, երգահաններ, նկարիչներ, բժիշկներ՝ Համբարձում Քեչեկը, Գրիգոր Ղափանցյանը,
Արսեն Տերտերյանը, Ստեփան Զորյանը, Գևորգ Աբովը, Սեդրակ Առաքելյանը, Գաբրիել Գյուրջյանը,
Ռուբեն Դրամբյանը, Միքայել Մազմանյանը, Գևորգ Քոչարը, Աշոտ Տեր-Մկրտչյանը, Հայկանուշ
Դանիելյանը, Հարո Ստեփանյանը:
Շենքի
առջև տեղադրված է հայ մշակույթի երախտավորներին նվիրված հուշակոթողը:
