ՀՈՒՇԱՐՁԱՆՆԵՐ
ՋՈՐՋ ԲԱՅՐՈՆԻ ՀՈՒՇԱՐՁԱՆ
2004
Քանդակագործ՝ Հայկ Թոքմաջյան
Անգլիացի
նշանավոր բանաստեղծ, լորդ Ջորջ Գորդոն Բայրոնի (1788-1824) հուշարձանը գտնվում է Նորքի
առաջին զանգվածում՝ Ֆրիտյոֆ Նանսենի անվան այգում, Նանսենի թանգարանի մոտ: Տեղադրվել
է 2004 թվականին: Քանդակը կարմիր տուֆից է, ունի 1.65 մ բարձրություն՝ տեղադրված բազալտե
սրբատաշ, ցածր պատվանդանի վրա: Բանաստեղծը պատկերված է բացված գրքին հենված դիրքով,
մտախոհ հայացքով: Աջ կողմում նրա հայերենի ուսուցիչ, Մխիթարյան միաբանության անդամ,
լեզվաբան, թարգմանիչ, բառարանագիր, բազմաթիվ լեզուների գիտակ հայր Հարություն Ավգերյանի
(1774-1854) քանդակն է:
Գետնին
դրված կարմիր տուֆե սալի վրա փորագրված է՝ ԻՆՉՔԱՆ ԷԼ ՈՐ ՀԱՅԵՐԻ ՃԱԿԱՏԱԳԻՐԸ ԴԱՌՆ Է ԵՂԵԼ ԵՎ ԻՆՉՊԻՍԻՆ ԷԼ
ՈՐ ԱՅՆ ԼԻՆԻ ԱՊԱԳԱՅՈՒՄ, ՆՐԱՆՑ ԵՐԿԻՐԸ ՀԱՎԵՐԺ ՊԵՏՔ Է ՄՆԱ ԱՇԽԱՐՀԻ ԱՄԵՆԱՀԵՏԱՔՐՔԻՐ ԵՐԿՐՆԵՐԻ
ՇԱՐՔՈՒՄ. ՀԱՅՈՑ ԼԵԶՈՒՆ ԱՍՏԾՈՒ ՀԵՏ ԽՈՍԵԼՈՒ ՄԻԱԿ ԼԵԶՈՒՆ Է. ՋՈՐՋ ԳՈՐԴՈՆ (ԼՈՐԴ) ԲԱՅՐՈՆ:
Հուշաքարի
ստորին մասում անգլերեն և հայերեն լեզուներով գրված է ՝ BYRON, ԲԱՅՐՈՆ:
Ձախակողմյան
հատվածում փորագրված են քանդակագործի անունն ու տարեթիվը՝ ՀԱՅԿ ԹՈՔՄԱՋՅԱՆ. 2004:
