ՌԵՍՏՈՐԱՆՆԵՐ
«Avocado Queen Yerevan»-ը ռեստորանային ոլորտում ավելի քան 100 նախագիծ ունեցող «Novikov Group»-ի կողմից բացված առաջին ռեստորանն է Հայաստանում։
Սարյան փողոցում բացված ռեստորանն «Avocado Queen»-ի 8-րդ մասնաճյուղն է, մյուսները գործում են Ռուսաստանի մի քանի քաղաքներում, Իսպանիայում, Բոդրումում։
Մենյուն եվրոպական և ասիական է, հիմնական ուտեստները պատրաստված են ավոկադոյով և ծովամթերքով։
«Avocado Queen Yerevan»-ն ունի երկու խոհանոց՝ փակ և բաց։ Սրահում նստած այցելուն կարող է տեսնել խոհարարների աշխատանքը ինչպես նաև ուտեստների պատրաստման ընթացքը։
Այստեղ համատեղված են առողջ սնունդն ու հետաքրքիր բարը։
Ճաշացանկի ուտեստների 80%-ում ավոկադոն պարտադիր բաղադրիչ է։
Այն նաև օգտագործվում է կոկտեյլներ պատրաստելիս։ Լավ հասած ավոկադոն «շեյք» անելիս հալվում է ու հետաքրքիր համ ստանում։ Խոհանոցը մինիմալիստական է, որը թույլ է տալիս զգալ սննդի և պրոդուկտի համը՝ գեղեցիկ համադրությամբ։
