ՊԱՏՄԱՄՇԱԿՈՒԹԱՅԻՆ ՇԵՆՔԵՐ

XIX դ.

Այգու հյուսիսային մասում է՝ «Երևան պարկ» ընտանեկան ժամանցի և զվարճանքի կենտրոնի սահմանագծից հյուսիս-արևմուտք:

Կառուցվել է XIX դ., երբ Երևանի պարսից վերջին սարդար Հուսեյն Ղուլի խանի օրոք (1807-1828 թթ.) վերագործարկվել է Դալմայի ջրանցքը, հիմնվել են նոր այգիներ, նոր թափ են ստացել խաղողագործությունն ու գինեգործությունը, կառուցվել են բազմաթիվ հնձաններ ու մառաններ:

Ունի արևելք-արևմուտք ձգված ուղղանկյուն հատակագիծ (չափերն են՝ 8,70 x 5,60 մ): Ավերված է, կիսաքանդ վիճակով պահպանվել է արևմտյան պատը: Հյուսիսային, արևելյան, հարավային պատերը պահպանվել են հատվածաբար: Մուտքը, չի ընդգծվում, հավանաբար, եղել է հարավից: Ծածկը քանդված է, ամենայն հավանականությամբ, եղել է թաղակապ: Ներսը լցված է փլատակներով, և խաղողի ճզմման ավազան կամ այլ մանրամասներ չեն երևում:

Կառուցված է անմշակ բազալտից: Հյուսիսային կողմում պահպանվել են խաղողի թմբային այգիներ:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան