ԹԱՆԳԱՐԱՆՆԵՐ ԵՎ ՊԱՏԿԵՐԱՍՐԱՀՆԵՐ
«Փոքրիկ Էյնշտեյն» գիտության թանգարան
«Փոքրիկ Էյնշտեյն»-ը գիտության ինտերակտիվ թանգարան է, որտեղ հնարավոր է ծանոթանալ տարատեսակ ֆիզիկական երևույթներին:
«Փոքրիկ
Էյնշտեյն»-ը գիտության թանգարանում ներկայացված են էլեկտրականության, մագնիսականության,
օպտիկայի, ֆիզիկայի, մեխանիկայի և բնագիտական այլ ոլորտներին առնչվող շուրջ 25 ցուցանմուշ։
Ցուցանմուշները բերվել են Ռուսաստանից և Չինաստանից։
Թանգարանը
բացվել է 2016 թվականին։ Նախքան բացվելը համահիմնադիրները կազմակերպել են ինտերակտիվ
շոու ծրագրեր, հիմնել են գիտական կենտրոններ, որտեղ երեխաները խաղերի և գիտափորձերի
միջոցով կարողացել են ծանոթանալ տարատեսակ գիտական փաստերին, թողարկել են հայալեզու
գիտական հավաքածուներ։
Թանգարանը
նախատեսված է 7 տարեկանից բարձր երեխաների և մեծահասակների համար: Այստեղ ներկայացված
բոլոր նմուշներն ունեն պրակտիկ կիրառություն թե՛ առօրյա կյանքում, և թե՛ գիտության մեջ:
Այցելուները կարող են դիպչել ցուցանմուշներին որպեսզի ծանոթանան տարատեսակ ֆիզիկական
երևույթներին:
«Արքիմեդի
լծակի» միջոցով թանգարանում կարելի է բարձրացնել 32 կիլոգրամանոց գունդը:
