ՀՈՒՇԱՐՁԱՆՆԵՐ

1985 թ.

Քանդակագործ՝ Դավիթ Երևանցի (Դավիթ Բաբայան)

«Ղարաբաղցի կինը» քանդակը գտնվում է Օպերայի և բալետի ազգային ակադեմիական թատրոնի մերձակայքում՝ Սայաթ-Նովա պողոտայի և Տերյան փողոցի խաչմերուկին հարող այգում։

1974-ից Փարիզում բնակվող հայ քանդակագործը քանդակը կերտել է ՀԽՍՀ ժողովրդական դերասանուհի, ժողովրդի կողմից սիրված երգչուհի և մենապարուհի, ծնունդով շուշեցի Արև Բաղդասարյանի կերպարով։ Քանդակը տեղադրվել է ստեղծվելուց միայն մի քանի տարի անց՝ 1988 թ. նոյեմբերի 11-ին՝ Արցախյան շարժումն սկսվելուց հետո, քանի որ խորհրդային իշխանություններն արգելել էին այն տեղադրել Երևանում:

Կանգնեցված է ցածրիկ, ուղղանկյունաձև հարթակի վրա, որտեղ փորագրված է.

ԺՈՂ. ԱՐՏԻՍՏ ԱՐԵՎ ԲԱՂԴԱՍԱՐՅԱՆԻ ՀԻՇԱՏԱԿԻՆ։

Քանդակը բրոնզից է, բարձրությունը՝ 3 մ:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան