ՀՈՒՇԱՐՁԱՆՆԵՐ
ՊԵՊՈ
1976
Պետ. ցուցիչ՝ 1.6.139
Քանդակագործ՝ Գրիգոր Ահարոնյան
Հայ
մեծ դրամատուրգ Գաբրիել Սունդուկյանի «Պեպո» պիեսի գլխավոր հերոսին նվիրված հուշարձանը
գտնվում է Անգլիական զբոսայգում՝ Գաբրիել Սունդուկյանի անվան ազգային ակադեմիական թատրոնի դիմաց: Նվիրված է Սունդուկյանի
ծննդյան 150-ամյակին: Հուշարձանը քանդակված է բազալտի 2 կտորից, մակերեսը մշակված է
հատիկավոր սկզբունքով: Այն ներկայացնում է ամբողջ հասակով կանգնած Պեպոյի քանդակը: Վերջինս ներկայացված
է ռեալիստորեն, իբրև ժողովրդի հավաքական կերպար. Պեպոն Թիֆլիսի կինտոյի հագուստով է,
աջ ձեռքին՝ բարաթ, ձախ ձեռքին՝ գլխարկ:
Պեպոյի
դեմքը վառ արտահայտված ազգային տիպ է, դիմագծերը հիշեցնում են Հրաչյա Ներսիսյանին,
ով հիանալիորեն կերտել է Պեպոյի կերպարը Համո Բեկնազարյանի համանուն կինոնկարում
(1935): Քանդակին հատուկ են ձևերի պարզությունն ու հստակությունը, դրանց ընդհանրացումը,
պատկերի ամբողջականությունը:
