ԵՐԵՎԱՆԻ ԺԱՄԱՆԱԿԱԳՐՈՒԹՅՈՒՆԸ
1981
Խնկո-Ապոր անվան մանկական ազգային գրադարանի ձայնադարանը բացվել է 1981 թվականին։
Մոտ տասը տարվա ընթացքում ձայնադարանի վինիլային հավաքածուն հասավ 8500 անվանման։ Չնայած հարուստ երաժշտական հավաքածուին՝ ձայնադարանի գլխավոր գրավականը բազմազան աուդիոգրքերն էին։ Որպես կանոն, հենց դրանք լսելու համար էին այստեղ գալիս դասարաններով, կամ հենց այնպես, սեփական կամքով՝ գրադարանն 80-ականներին հատկապես կենտրոնում բնակվող դեռահասների սիրելի ժամանցի վայրերից մեկն էր։ Այն տարբերվում էր մյուս գրադարաններից նրանով, որ այստեղից ոչ թե պարզապես գրքերը տանում-բերում էին, այլ մնում էին ժամերով։
ԱՅԼ
1991
Վլադիմիր Լենինի հուշարձանը ապամոնտաժվել է Հայաստանի անկախությունից առաջ։ Արձանը տեղադրվել էր 1940 թվականին։
1958
Ավարտվեցին Լենինի հրապարակում շենքերի համալիրի (ճարտարապետներ՝ Ալեքսանդր Թամանյան, Ռաֆո Իսրայելյան) և Լենինի պողոտայի վերևում (ներկայիս Մաշտոցի պողոտա) հին ձեռագրերի պահոցի՝ Մատենադարանի (ճարտարապետ Մարկ Գրիգորյան) շինարարական աշխատանքները:
