ՌԵՍՏՈՐԱՆՆԵՐ
Մոնարխ ամրոցի պատերը դարերի պատմություն ունեն․ նրանք հազար ու մի բան են տեսել ու լսել, նրանք ամեն ինչ հիշում են.... Ու այդ հիշողություններն ու մոգական շունչն են պատճառ դառնում, որ այստեղ եկած յուրաքանչյուր հյուր նորից ետ է վերադառնում․ վերադառնում է, որպեսզի իր ենթագիտակցությունը շփվի պատմության հետ, թևեր առնի ու թռչի դեպի հին ու կախարդական օրեր, ուր ամեն ինչ անհոգ էր ու ուրախ: Իսկ «Monarch Orchestra»-ն պահպանելով ազգային երաժշտությունը՝ ներկայացնում է այն նոր, Մոնարխին բնորոշ մոտեցմամբ:
Երբ գալիս է երեկոն, հյուրընկալ վիշապը բացում է իր ամրոցի դռները: Վիշապի առեղծվածային ամրոցի ամեն անկյունում խորհրդանշական մի տրամադրություն է տիրում. կախարդական մի միջավայր, որտեղ ամեն երեկո կարող են հյուսվել անմոռանալի պատմություններ ձեր և ձեր ընտանիքի համար:
