ՀՅՈՒՐԱՆՈՑՆԵՐ
«Doubletree by Hilton» հյուրանոցը բացվել է 2015 թվականին: Այն կառուցվել է իտալական «Ռենկո» ընկերության և «Doubletree by Hilton» հյուրանոցային միջազգային ցանցի միջև կնքված համաձայնագրի արդյունքում:
Հյուրանոցից ընդամենը 15 րոպեում ոտքով կարելի է հասնել Հանրապետության հրապարակ, Սպենդիարյանի անվան օպերայի և բալետի ազգային ակադեմիական թատրոն, Հյուսիսային պողոտա, Ֆրանսիայի, Իտալիայի և Ռուսաստանի Դաշնության դեսպանատներ:
«Doubletree by Hilton»-ն ունի ժամանակակից արտաքին և ներքին դիզայն և հագեցած է նորագույն տեխնոլոգիաներով: Հյուրանոցը հյուրերին առաջարկում է հարմարավետ կահավորված ստանդարտ, դելյուքս և ընտանեկան համարներ, ինչպես նաև սենյակներ չծխողների համար: Սենյակներն ապահովված են լիարժեք հանգստի համար նախատեսված բոլոր անհրաժեշտ հարմարություններով:
Հյուրանոցն ունի մարզասրահ, շոգեբաղնիք, ՍՊԱ կենտրոն, մերսման սրահ, գեղեցկության սրահ, երեխաների համար նախատեսված խաղահրապարակ, ինչպես նաև ռեստորան, լոբբի բար, բուխարի և գինու մառան:
Բացի այդ, հյուրանոցն ունի կոնֆերանսների համար նախատեսված 8 սրահ՝ նախատեսված միչև 400 հոգու համար:
